--------------------------------

--------------------------------


 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول




شاطر | 
 

 قرأت لكم في الرياضه

اذهب الى الأسفل 
كاتب الموضوعرسالة
محمد عطاالله
المشرف العام
المشرف العام


ذكر
عدد الرسائل : 2220
العمر : 51
المزاج : الحمد لله
تاريخ التسجيل : 14/11/2008

مُساهمةموضوع: قرأت لكم في الرياضه   الأربعاء أكتوبر 13, 2010 8:31 am

عصام شلتوت
يا معلم عايرتنا ماشى.. هزمتنا ماشى.. تسبنا لأ
الأربعاء، 13 أكتوبر 2010 - 19:58
كابتن حسن شحاتة اسمح لى انت زودتها شوية.. لأ ده ييجيى مليار شوية.. على طول الخط زعلان.. وغضبان ومخاصم الإعلام، اللى أنت طبعاً عارف أنه بيصنع النجوم.. وطبعاً يا سيدى النجوم برضه بيقدموا جهد، يعنى الإعلام ده مش "سقط متاع".. حلوة سقط متاع دى.. أو مجموعة متسولين ينتظرون رضاك عنهم لتتحدث معهم من أجل نقل الصورة لملايين المصريين اللى وجودهم فى الملاعب وشراءهم للتذاكر وأجهزة التشفير وجلوسهم أمام الإعلانات اللى بتدر آلاف وملايين للسادة النجوم معناه أنهم أصحاب حق أصيل فى معرفة كل شىء لأنهم بالبلدى "الزبون" اللى بناكل عيش من حرقته على المجنونة كرة القدم.. آى والله صدقنى.

أما كونك تظهر وقت ما تشاء وتتكلم مع من تحب من الصحفيين والإعلاميين والبرامجيين وعلى رأسهم طبعاً برنامج "كريم شحاتة"، فده كلام السكوت عليه صعب، لكن أنت بتستغل انه مافيش اتحاد كرة فى البلد وطبعاً كلنا أو أغلبنا من اللى أنت مابتحبهمش قالوا: ذى بعضه يا جماعة الخير "آه الضنا غالى".

لكن أن تظل تعاير المصريين بأنك صاحب الفرحة الأفريقية.. وتنزعج لما نقول لك ليه مارحناش كأس العالم.. فترد وتقول "أنها الفاصلة".. وبعد وكسة النجير كمان ترجع تانى وتقول أنها الفاصلة.. شالاه يا فاصلة وعايزين نعرف لغاية أمتى هانفضل "ولاد الفاصلة"؟!

المصيبة أنك تطل علينا من برنامج مجدى عبدالغنى وتسب الصحفيين والإعلاميين وترفض أى نقد، وتصف من ينتقد أنه ينتقد مصر.. ياه ده كلام خطر.. طب ليه خطير؟!

خطير لأنك كنت دايما بتقول أن عبد الغنى من جماعة كارهينك.. وكنت كمان بترفض حتى تقول له سلامو عليكم وان كنت ناسى أفكرك!

المصيبة الأعظم إنك تنكر كلام عن "المعزة المسحورة".. ماشى.. وكمان تنسى تصريحاتك بتاعت أن عدم تحقيق الفوز معناه "نهاية جيل".. بس ماقلتش أى جيل.. وهل فيه جيل بينتهى ويبقى قائده؟!

كمان تصريحات المدرب شوقى غريب عن صدمتكم فى اللاعبين وأنهم تعروا غريبة جدا.. وكان "أبوالشوق" عايز برضه يشتم فى الصحفيين بس غير رأيه بسرعة لأن لميس الحديدى مقدمة برنامج "من قلب مصر" كانت هاترفض!

كابتن حسن تهديدك بأن اللى ينتقدك يبقى بيكره مصر.. اعتبره كلام فاضى.

كابتن حسن تصريحك لكريم شحاتة بعد المباراة بأنك تفكر فى الاستقالة كلام مفهوم، لأنه هايعقبه أن الأخ سمير زاهر اللى مش لاقى أى قشة تنجده من فساد الجبلاية هايخرج بسرعة ويقول: نجدد الثقة.. وأنت هاتقول اللى قلته بأنك مش هاتستقيل.. وهاتفضل موجود إلى 2014 ربنا يديك الصحة، وآهه ساعتها هاتكلمنا برضه عن "الفاصلة".. وهاتقول أنك مواصل إلى 2018 بجيل جديد فأنتظرونا بعد الـ.. ولا بلاش!

كابتن حسن تهديدك بالمشهد الرئاسى الكريم وأن اللى هايتكلم معاك معتد آثم لأنه ينقد رجل كرمه الرئيس مبارك ده كلام ماينفعش.. لأن الرئيس مبارك نفسه بيخرج للناس يتحدث معها ويسمعها ويناقشها.. أما أنت فالناس بالنسبة لك على الهامش.. لأنك مدير فنى "مش للحبايب"!
كابتن حسن عرقك وجهدك فى عيوننا وعلى رؤسنا، لكنك ليست متبرع فالست مصر بتدفع لك كويس اوى اللهم لا حسد.. يعنى أنت محترف مش متطوع؟!

كابتن حسن عايز أقول لك أن سبك للإعلام خط أحمر.. لا يجدى معه أن تقول أنك تقصد مجموعة قليلة الأدب وقال ايه فى مجموعة تانية مؤدبة ومهذبة ربنا حباها بحبك.. يا سلام يا معلم إيه ده!

كابتن حسن الإعلام صنع نجوما أكبر منك فى كل فروع الحياة.. وسيظل يصنع نجوما آخرين.. والإعلام باق وأنت ستغادر إن آجلا.. أو عاجلا.. ويا معلم فيه ناس قدموا للبلد دى مش كئوس أفريقية كروية.. لكن أرواحهم أيضاً.. وماحدش فيهم بيعمل اللى أنت بتعمله فى خلق الله.. اللى الواحد فيهم ممكن يروح بآخر 5 جنيه فى جيبه لتشجيع منتخب مصر اللى أنت مدربه.. لكن يبدو أنك فاهم غلط أنك أصبحت فوق ملايين المصريين الطيبين.

كابتن حسن ربنا يسترها معاك وترجع أبوعلى الطيب.. وأهى كانت ما شبه ذى الفل.. تحب أفكرك أنك أتغيرت كتير.. وعلشانه كده وصلت أنك تتغلب من النيجر يا راجل.. وتقول أن التعادل مع سيراليون بدعاء الملايين فى ستاد القاهرة، والهزيمة النكراء من النيجر.. عادى وبتحصل فى أحسن العائلات الكروية.. يبقى أنت صحيح مش حسن شحاتة اللى كنا نعرفه.
كابتن حسن الحمد لله أن سحرة النيجر غلابة وظروفهم وحشة جابوا "معزة" وفازوا بهدف واحد.. لأن الناس دى لو ظروفها المادية كويسة وجابوا "عجل بقرى" كانوا فازوا بخمسة أهداف طبقا لنظرية السحر اللى بعتتها الصحافة من النيجر مش من خيالنا.. صح؟!

_________________
لااله الا الله ...محمدرسول الله
الحق حق....والباطل باطل
ماطارطير وارتفع ..الا كما طار وقع
الرجوع الى أعلى الصفحة اذهب الى الأسفل
V.I.P
مشرف المنتدى العام
مشرف المنتدى العام
avatar

ذكر
عدد الرسائل : 450
العمر : 43
المزاج : سأمضي قدما نحو حلمي ... فقط لانه حلمي أنا .. وقد نسجته خيوطه بيدي وأحسب أنى برعت في ذلك ...فأنا أرفض , بل أزدري , صياحاً أبله ضد مبادئ هي من صميم الفطرة , ومن غايات الإسلام الاجتماعية , لا لشيء إلا لأنها غير ما نألف في عاداتنا وتاريخنا , أعني عادات أمتنا إبان هزائمها الثقافية والسياسية وما حواه تاريخها الأخير من تخلف وضياع.
تاريخ التسجيل : 02/05/2009

مُساهمةموضوع: رد: قرأت لكم في الرياضه   الخميس أكتوبر 14, 2010 4:01 am

كلام غريب من حسن وغريب
وهل كانت المعزة المسحورة في استاذ القاهرة كمان
المنتخب في أسوأ حالاته منذ فترة ويجب التحرك سريعا قبل أن نعود إلي عصر الخروج المتكرر من دور الثمانية في النهائيات زي دورة تونس وجنوب افريقيا أو من المجموعات مثل دورة السنغال وربنا يستر وما يكنش من التصفيات وهذا لم يحدث من قبل إلا بسبب الحروب
ربنا يستر
الرجوع الى أعلى الصفحة اذهب الى الأسفل
http://www.islamway.com
طاهر عمار
ديباوى مميز
ديباوى مميز
avatar

ذكر
عدد الرسائل : 147
العمر : 33
الموقع : www.debawy.yoo7.com
المزاج : الرياضة
تاريخ التسجيل : 16/02/2009

مُساهمةموضوع: رد: قرأت لكم في الرياضه   الأربعاء نوفمبر 24, 2010 5:26 pm


تسلم اديك يااستاز محمد

:::::::::::::::::::

ارق تحياتي ليك
الرجوع الى أعلى الصفحة اذهب الى الأسفل
البرنس حسام
ديباوى مميز
ديباوى مميز
avatar

ذكر
عدد الرسائل : 89
العمر : 23
المزاج : رايق وتمام والحمد لله
تاريخ التسجيل : 09/11/2010

مُساهمةموضوع: رد: قرأت لكم في الرياضه   الخميس نوفمبر 25, 2010 12:40 pm

استازي الفاضل محمد عطالله
الزمـــــــــــــــــــــــلكاوى الاصــــيــــــــــــل
لابد ان نلتمس العزر للمعلم الكبيـــــــــــــــــــر حسن شحــــــــــــــــــاته
زي ماقالوا زمــــــــــــــــــــــــــــــــــــــــــــــــــــــان
(داري علي شمعتك تنور)
مع تحيــــــــــــــــــــات زماكـــــــــــــــــــــاوى كبيـــــــــــــر صغير السن
دمت سالم
الرجوع الى أعلى الصفحة اذهب الى الأسفل
 
قرأت لكم في الرياضه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
-------------------------------- :: ديـبــــاوي الـريـــاضــــي-
انتقل الى: