--------------------------------

--------------------------------


 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول




شاطر | 
 

 النجع يريد إسقاط السيستم

اذهب الى الأسفل 
كاتب الموضوعرسالة
شيكالدينيو
ديباوى مميز
ديباوى مميز
avatar

ذكر
عدد الرسائل : 518
العمر : 30
المزاج : عادى والحمد لله
تاريخ التسجيل : 15/08/2009

مُساهمةموضوع: النجع يريد إسقاط السيستم   السبت فبراير 26, 2011 9:38 am


النجع يريد إسقاط السيستم



الواد حمدان : إلحق يا حضرة العمدة
العمدة : فيه ايه ياد يا حمدان
الواد حمدان : أهل البلد كلتهم جايين علي هنا
العمدة : ليه يا وله
الواد حمدان : أنا سمعتهم هيتودودوا بيناتهم وعيقولوا إنهم مش عايزينك يا حضرة العمدة
العمدة : ليه يا وش الغراب انته
الواد حمدان : بيقولوا إنك ظالم يا حضرة العمدة
العمدة : وعايزين إيه كمان يا وله
الواد حمدان : عاوزينك تشيل المجلس العرفي بتاع البلد
العمدة : إهيه الكلام ده أكيد كلام الواد برعي بتاع الفيس كوبس ده , والله بطلوده واسمعوده يا ولاد
الواد حمدان : والعمل يا حضرة العمدة
العمدة : يا سلام يا وله نسوا اللي عملته عشانهم , قولي ياد الخدمات اللي عملته عشانكم
الواد حمدان : احنا سفلتنا الطريق بين دوارك والمحطة يا عمدة
العمدة : وإيه كمان يا خويه
الواد حمدان : واشترينا الــ 14 فدان بتوع الواد سعد اللي كان بيتعاطي يا حضرة العمدة بـــ 2000 جنيه
العمدة : وإيه كمان
الواد حمدان : وزرعنا قدام الدوار بتاعك يا عمدة
العمدة : سمعني يا وش الغراب سمعني
الواد حمدان : وردمنا الترعة اللي قدام الدوار عشان نوسعه يا عمدة
العمدة : هو احنا ما عملناش حاجه للبلد يا وله
الواد حمدان : اممممممممممممم
العمدة : انت هتمأمأ يا وله انطق جاك خابط في نفوخك
الواد حمدان : ايوة افتكرت يا عمدة احنا عملنا عزومة كبيرة قوي للبلد لما حضرتك نجحت في الإنتخابات
العمدة : ايوة صح يا وله مش فاكر لما اشترينا العدلين من سوق البهايم
الواد حمدان : احنا اشترينا واحد والتاني خدناه من الواد عوض اللي راح المحطة من طريقك يا عمدة
العمدة : اكتم جاك خابط , اضربلي ياوله عالبيه المأمور
الواد حمدان : إهيه , الحق يا عمدة
العمدة : فيه ايه يا وله
الواد حمدان : الست السنيورة بتقول الشرطة المطلوبة مرفوعة مؤقتا من الشارع
العمدة : يادي النحس يا ولاد
الواد حمدان : اهم يا عمدة أهل البلد أهم



وهنا يخرج لهم العمدة ليدور الحوار الآتي



العمدة : فيه ايه يا سبع البرمبة انت وياه
عوض : فيه انك ظالم يا عمدة
محمدين : وسرقت أرضنا وبهايمنا يا عمدة
عوض : ولازم ترجعلنا فلوسنا وأرضنا يا عمدة
برعي : لاع يا اخوانا احنا كمان نطالب بإسقاط السيستم كله
مرزوق : عفارم عليك يا سي برعي يا متنور انته , وأني كمان بطالب بإسقاط البتاع ده اللي بيقول عليه سي برعي أفندي
العمدة : ايه البيستم اللي بقول عليه ده
الواد حمدان : الظاهر والله أعلم إنه طبق الدش يا عمدة
العمدة : لأه كله إلا الفيستن داني ما بعرفش أنام الا ما اسمع أطبطب وأدلع اللي بتغنيها البت دي اسمها ايه يا واد يا حمدان
الواد حمدان : إههههه إسمهه نانسي ههههههههههه نانسي يا عمدة
العمدة : والله نستيني نفسي يا نانسي , شوفوا بقي انتوا هتمشوا من هنا يعني هتمشوا
برعي : أني مش هتعتع من هنا ألا ما تمشي يا عمدة
العمدة : دانت ياد يا برعي بعت الفدان اللي حيلتك عشان تجيب الكمبوتر وبعت بهمتين عشان تشترك في النت , دانت صايع يا وله
برعي : اني مش صايع , لحد اكده وكفايه , لازم ترحل عننا انت وسيستمك الفاشل ده
العمدة : طيب يا ابن ستيته العمشه , اما خليتك زي قرص الجله الناشفه مباش عمدة ابن عمدة
برعي : يا جماعة أنا قاعد اهنه قدام الدوار لغاية ما يمشي , معايا ولا لاع
عوض : كلنا معاك يا سي برعي
برعي : قولوا ورايا يا ردالة النجع يريد إسقاط السيستم
جميع أهل البلد : النجع يريد إسقاط؟؟؟؟؟؟؟؟؟؟؟؟؟؟؟؟؟؟؟؟؟
وينظر أهل البلد لبعضهم البعض ويقول احدهم : هو بيقول إيه ده !


الرجوع الى أعلى الصفحة اذهب الى الأسفل
أبوديب
ديباوى مميز
ديباوى مميز
avatar

ذكر
عدد الرسائل : 642
العمر : 49
الموقع : http://www.shbab1.com/2minutes.htm
المزاج : رايق
تاريخ التسجيل : 23/01/2009

مُساهمةموضوع: رد: النجع يريد إسقاط السيستم   السبت فبراير 26, 2011 10:04 am

الحبيب الفاضل شيكالدينيو
تحيه مباركه من عند الله

بسم الله ما شاء الله
ايه الحلاوه دى نحن ايضا نريد اسقاط السيستم
رحمك الله يا صدام (تبقى الاسود اسودا والكلاب كلاب
تقبل تحياتى
دمت بخير
الرجوع الى أعلى الصفحة اذهب الى الأسفل
علاء السعدني
ديباوى مميز
ديباوى مميز
avatar

ذكر
عدد الرسائل : 764
العمر : 49
المزاج : الحمد لله علي كل حال
تاريخ التسجيل : 05/12/2008

مُساهمةموضوع: رد: النجع يريد إسقاط السيستم   السبت فبراير 26, 2011 10:15 am

هههههههههههههههه

اهلا بك ياشيكالدينيو مرة ثانية . ايه الحلاوة دي . انا والله لااستطيع منع نفسي من الضحك . تخيلك جميل ورائع ويعبر عن الحالة الراهنة التي تمور بها منطقتنا وكثير منا من يلبس الامور بعضها البعض لدرجة انه يكرر مايسمع بدون فهم .
الرجوع الى أعلى الصفحة اذهب الى الأسفل
احمد طه
المتميز
المتميز


ذكر
عدد الرسائل : 792
العمر : 54
المزاج : لله الحمد
تاريخ التسجيل : 18/09/2009

مُساهمةموضوع: رد: النجع يريد إسقاط السيستم   السبت فبراير 26, 2011 10:22 am

تسير غدا مظاهرة مليونية رجالية في كافة مدن البلاد شعارها الوحيد


" الزوج ... يريد ... تغيير ... المدام "


وإستباقا لهذه المظاهرة فقد قامت منظمة الزوجات بإصدار بيانا عاجلا
تتضمن تنازلات وإصلاحات أهمها :
1- السماح للزوج بتعدد الزوجات كما نص عليه الشرع .
2- السماح للزوج بالسهر أين ومتى شاء ودون تحديد سقف لموعد العودة للبيت .
3- للزوج الحق الكامل بالدخول والخروج من البيت دون إستجواب أونظرات حادة .
4- تخفيض المصاريف الشهرية والتركيز على الأولويات .
5- السماح للزوج بحرية التعبير السلمية عن آرائه في كافة المجالات المتعلقة بالزوجة والبيت .


إلا أن الأزواج رفضوا هذا البيان وقرروا المضي في المظاهرة حتى يتحقق مطلبهم
وذلك نظرا لطول فترة حكم الزوجة المستبد والملئ بالتجاوزات وإنتهاكات حقوق الزوج
الإنسانية والمهنية وحرمانه من أبسط حقوقه إلا بعد تقديم الرشوات العينية والمعنوية
وإنتشار الفساد والأمراض بين الأولاد وتدنى مستواهم العلمي نظرا لإنشغال الزوجة في أمورها الخاصة والزيارات المتكررة لصويحباتها والخروج إلى الأسواق بداعي وبدون داعي
وحضورالأفراح
وقضاء الوقت في الثرثرة على التليفون
وتبديدها جزء كبير من مصاريف البيت في شراء الكماليات الخاصة بها
وغيره من التصرفات التي أدت إلى زعزعة الإستقرار في البيت .
منقول
الرجوع الى أعلى الصفحة اذهب الى الأسفل
ابو منه
ديباوى مميز
ديباوى مميز
avatar

ذكر
عدد الرسائل : 437
العمر : 30
الموقع : ميت الديبه
المزاج : الحمد لله
تاريخ التسجيل : 10/12/2010

مُساهمةموضوع: رد: النجع يريد إسقاط السيستم   السبت فبراير 26, 2011 10:39 am

شيكا لدنيو موضوعك جميل اخر 25 حاجه ههههههههههههههههههههههه

عمي طه مساهمتك روعه ههههههههههههههههههههههههههههه
احنا بكره نعمل ثوره علشان نتزوج

الرجوع الى أعلى الصفحة اذهب الى الأسفل
ابن القاضى الكبير
ديباوى مميز
ديباوى مميز
avatar

ذكر
عدد الرسائل : 1748
العمر : 50
الموقع : http://debawy.yoo7.com/
المزاج : رااااايق والحمدلله
تاريخ التسجيل : 10/01/2009

مُساهمةموضوع: رد: النجع يريد إسقاط السيستم   السبت فبراير 26, 2011 11:56 pm

شيكا تسلم ايدك

الحاج طة/ههههههههه بلاش دى ياعم

الزوج يريد الاحتفاظ بالمدام

هههههههههههههههههه

تسلم ايدكم شيكا والحاج/طة

ضحكتونا فى ايام مايعلم بيها الا الله
الرجوع الى أعلى الصفحة اذهب الى الأسفل
م/سمير عبدالمحسن
ديباوى مميز
ديباوى مميز
avatar

ذكر
عدد الرسائل : 102
العمر : 30
المزاج : الحمد لله
تاريخ التسجيل : 19/08/2010

مُساهمةموضوع: رد: النجع يريد إسقاط السيستم   الأحد فبراير 27, 2011 1:51 am

حبيبى يا محمد يافرج لانى مابحبش شيكالدينيو
والله مساهمه جميلة جدا
طول فترة الغياب دى كنت بتجهز فيها ولا ايه


ووالله يا حاج طه عندك حق
الزوجات دلوقتى كل يوم يعملو مظاهره علشان حقوق المرأه لحد ما اخدو ا كل حقوقهم ونسوا هم كانو بيطالبو بايه فاستمرو فى المظاهرات لحد ما اخدوا حق الراجل معاهم كمان


الرجاله اللى الصح تعمل مظاهره بس اللى متجوز مايغيرش ولو مش قادر يطلق ويستنى لما احنا نتجوز وبعد كده يتجوز هو
الرجوع الى أعلى الصفحة اذهب الى الأسفل
 
النجع يريد إسقاط السيستم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
-------------------------------- :: ديـبــــاوي التـرفـيهـــي-
انتقل الى: