شيكالدينيو ديباوى مميز
عدد الرسائل : 518 العمر : 36 المزاج : عادى والحمد لله تاريخ التسجيل : 15/08/2009
| موضوع: مجلس الشعب قديما وحديثا السبت أبريل 30, 2011 8:40 am | |
| هذه التصورات من وحي خيالي وهي للترفيه ليس إلا وشكرا
مجلس الشعب قديما وحديثا
رئيس المجلس / أمجد فتحي شرور بسم الله نفتتح جلسة اليوم والبدايه مع العضو المحترم : علي السويسي
علي السويسي / يا ريس إحنا أهالي قرية النواصحي مركز كوم أشرف محافظة كفر النبوت ما زلنا بنعاني من مشكلة الميه ويامه قدمت أنا إلتماس عشان السادة المسؤولين ييجوا ويشوفوا بنفسهم إحنا بنشتري جركن الميه بــ 14 جنيه يعني الراجل اللي شغال علي دراعه طول النهار بــ 10 جنيه نقله بلاش تشرب ميه ولا ايه ؟ أنا منتظر الإجابه سيادة الرئيس من الوزير المسؤل وشكرا
رئيس المجلس / الوزير المحترم فؤاد منصور يتفضل يرد
الوزير / أنا مش فاهم هي مشكلة الميه مش بتخلص يعني إحنا حلينا المشكلة دي قبل كده وأرسلنا هيئة من الوزارة تعاين الوضع ولقينا الأمر كويس , صحيح فيه مشكله إحنا مش بننكر لكن مش بالصورة اللي بيصورها لينا حضرة العضو المحترم وبعدين إحنا هنا عشان نناقش قضايا أهم وأعمق يعني مثلا المفروض نتكلم عن مشروع بيع التعليم والنجاح الباهر اللي هيعود عالدولة منه يعني يا ريس لو بصينا للنتائج اللي حصلت من بيع الصحه والسكه الحديد هنلاقي الآتي : أولا زحمة الطرق انتهت تقريبا لأن أكتر من 40000 موظف قعدوا في البيت وده أدي بطبيعة الحال إلي إنتعاش سوق الأعمال اليدويه وفي خلال فتره بسيطه جدا استطاعت مصر انها تكون الأولي في تصدير طواقي وافرع البنات كمان انتعشت خزينة الدولة بــ 10 مليون جنيه حصيلة بيع الصحة والسكة الحديد , يعني يا اخوانا مصر داخله علي منعطف تاريخي ولازم نركز في مشاريع أهم عشان دولتنا تتقدم وأنا ببشركم جميعا إن شاء الله قريبا هناك مشروع لبيع الصحراء الشرقيه بمبلغ كبير جدا هيساهم في انعاش خزينة الدولة واحنا مستنيين مباركة سيادة الرئيس عالمشروع وإن شاء الله يتم في أقرب وقت , وشكرا سيدي الرئيس
رئيس المجلس / العضو المحترم سامي الشاذلي
سامي / سيادة الرئيس المستشفيات بتعاني نقص الأجهزة والأدويه وأنا كنت متخيل إن الصحة بعد ما اتباعت هتكون كويسه لكن للأسف , أنا مش عارف سيادة الوزير مش متابع المستشفيات ليه , أنا عاوز الوزير يمر ويتابع الفساد اللي موجود وشكرا
رئيس المجلس / الوزير المحترم السيد عفيفي وزير الصحه
الوزير / العضو اللي بيقول أنا مش بتابع المستشفيات , طبعا ده كلام عار تماما من الصحه وأنا انبارح بس كنت في مستشفي أبو الريش وعرفت أخيرا من السيد الدكتور دانيال شامير مدير المستشفي إننا الحمد لله نقترب من القضاء نهائيا علي الأمراض المستوطنه زي تشقق القدمين وتساقط الشعر وإن بحلول عام 2015 هتكون الأمراض دي انتهت إن شاء الله والأدويه طبعا متوفره والحياة فل الفل زي ما بنقول , دا حتي تذكرة زيارة المريض رخصت من 6 جنيه للفرد إلي 4 جنيه , كمان فيه حمله لتأجير 2000 إستشاري أجنبي لمدة 30 سنة ناخد منهم الخبرات صحيح إن فيه 2000 دكتور هيتفصلوا بس العائد علينا أهم وأنا علمت مؤخرا إن السيد الدكتور ألبرت ديان اللي هو مالك وزارة الصحة وعد بــ 5000 طاقم تمريض أجنبي بدل من التمريض المصري وإنه سيكون هناك إعادة هيكلة داخل الصحة وشكرا سيادة الرئيس
رئيس المجلس / بعد الإطلاع عالمادة 55 لسنة 2011 ودراسة مشروع بيع فرع رشيد من نهر النيل المنافق علي بيع المشروع يتفضل برفع يده................................. منافقه
الخلاصة : الحكومة كانت في وادي والشعب في وادي والبلد كانت بتتباع حته حته فالحمد لله إن الثورة قامت
-----------------------------------------------------------------------------
مجلس الشعب القادم
رئيس المجلس / تامر وائل هاي يا جماعه عاملين إزاي ؟ ويا رب تكونوا كوول آخر حاجه وحشتوني موووت أوي جدا يلا بسرعة لتس جو نبدأ بالعضو الروش / حماده ميوزيك
حماده / يا اصحابي أنا كنت بتفرج علي ميلودي ميوزك انبارح وفجأة أسماء بنتي قامت من النوم وقالت بابي أنا عاوزه زبادي بصيت في الثلاجه ما لقتش نزلت جري عالمول اللي قدامنا ما لقتش أسماء انهارت من العياط ما كنتش عارف اعمل ايه , أنا كنت بتقطع يا جماعة فأنا بأطالب بزيادة معدل الزبادي أكتر من كده ماشي اوكيه يا مان ولا ايه
رئيس المجلس / يا عيني يا سوسه قلها عمو تامر بيسلم عليكي وإن شاء الله هنزود الزبادي والآن مع العضو الجامد جدا / شريف موتوريلا
شريف / بصوا بقي يا جماعه أنا بأطالب بفصل الوزير هيثم ميدو من وزارة الألعاب والترفيه لأنه أخلف وعده معانا, لأنه قالنا إنه هيوفر 4000 بلايستيشن فايف أول الشهر لسد العجز في السيبرات وأنا بعد ما خلصت جلسة انبارح رحت السيبر أظبط شويه , تصوروا لقيت البلايستيشن تو وكمان مش مكفي لذلك أنا بأطالب بفصله واتخاذ أقصي عقوبه عليه وهي إننا نخاصمه كلنا , يلا بيس يا ريس
رئيس المجلس / جاءنا الأن أن الرئيس مستاء خالص من وضع البلد وأمر فورا بسرعة زيادة معدل الزبادي من 2مليون علبه إلي 6مليون علبه يوميا كما تقرر فصل الوزير هيثم ميدو من منصبه وسيشرف الرئيس بنفسه علي الوزارة كما وعد الرئيس بــ 6000 بلايستيشن مستورد خلال اسبوع من الان كما تقرر انشاء مدينة ملاهي عالميه في قرية النواصحي مركز كوم أشرف محافظة كفر البتاع التويل ده اللي موافق يسقف جامد
وهنا كل الأعضاء / هيييييييييييييييييييييييييييييييييييييييييييييييييييييييييييييييييييييه
الخلاصه / الحياه زي ما انتو شايفين زبادي في الخلاط وكل المشاكل محلوله ما عدا الزبادي والبلايستيشن دا حتي الرئيس هيشرف بنفسه علي وزارة الترفيه ..................... عجبي
أتمني تعجبكم شيكالدينيو | |
|
farid el-shamly ديباوى جديد
عدد الرسائل : 15 العمر : 36 المزاج : الحمد للة على كل شئ تاريخ التسجيل : 09/03/2011
| موضوع: رد: مجلس الشعب قديما وحديثا الأحد مايو 08, 2011 12:37 pm | |
| جامده مووووووووووت يا حماده ايه الحلاوه ديه انت هتخلينى أغير رأيى فيك | |
|
shady mohamed ديباوى مميز
عدد الرسائل : 86 العمر : 28 الموقع : http://smaa4.rigala.net تاريخ التسجيل : 10/12/2008
| موضوع: http://smaa4.rigala.net الخميس مايو 26, 2011 3:37 am | |
| | |
|