عدد الرسائل : 875 العمر : 65 الموقع : ميت الديبة المزاج : الحمد لله تاريخ التسجيل : 07/12/2008
موضوع: نصيحة من فتاة لصاحبتها اللي على وش جواز !!!! الجمعة مارس 06, 2009 11:01 pm
صاحبتي(زميلتي) العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه .... 1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا قدامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
Admin المديــر العـــام
عدد الرسائل : 1816 العمر : 49 الموقع : https://debawy.yoo7.com تاريخ التسجيل : 08/11/2008
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 1:06 am
والله مشاركة أضحكتني كثيراً ...
دي مش خطوات ونصائح .. ده عقاب شديد يا أبو الرجال ....
أنا شايف انهم مش يخرجوا خالص .. ويكتفوا بالكلام في التليفون الأرضي .. أصل المكالمات على الموبايل سعرها عالي ...
ولا أقولك بلاش .. خليها TEXT MESSEGE أحسن ولا يقضوها رنات اصل الكلام في التليفون برده بيكشف ويفضح المداري ...
ولا اقولك بلاش خطوبة من أصله .. ويخلوها زواج مباشر .. وانت حظك .. وساعتها لا تراجع ولا استسلام .. كشف الجهاز ولا اسمها القايمة هتكسر ظهر العريس ومش هيقدر يتنفس ... وهيشرب شوية جاز .. ويسكت ..
شكراً على موضوعك الرائع ... ونصائحك اللي كلها عذاب ...
محمد فكري ديباوى مميز
عدد الرسائل : 1054 العمر : 41 الموقع : المدينة المنورة المزاج : الحمد لله تاريخ التسجيل : 20/02/2009
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 6:50 am
هههههههههههههههههههههههه الله جازيك ياستاذ محمد موضوع والله رائع مابطلتش ضحكش طول القراءة وبعدها كمان جزاك الله خير ادخلت علينا البسمة وعلي رأي الاستاذ ايمن بلاش خطوبة احسن وخش علي الزواج علي طول وانت وحظك لك التحية دمت بود
أم مريم ديباوى مميز
عدد الرسائل : 938 العمر : 48 المزاج : هادئ تاريخ التسجيل : 25/12/2008
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 7:07 am
هههههههههههههههههههههههههههههههههههههههههههه والله العظيم أنت عملت جلست ضحك متواصل مع أولادي ناديت عليهم وماحد عارف يكمل المساهمة على رأي الاخ أدمن دا عقاب يعلم بيه ربنا حتى العروسة أنا حاسه كرهت الزواج والخروج أنت جبت المساهمة دي منيييييييييييييييييييييين أيوووووووووووووووووووووووووووه أبو أروى أيوه كده سيبك من العام ودورلنا على شوية مساهمات شكلك هتاخد الكأس تقبل مروري واحترامي ودمت بخير
ABO_ALREGAL مشرف المنتدى العام
عدد الرسائل : 875 العمر : 65 الموقع : ميت الديبة المزاج : الحمد لله تاريخ التسجيل : 07/12/2008
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 8:00 am
شكرا لمروركم الذي أسعدني كثيرا بعد حالة الإحباط الشديدة التي أصابتني من جو المنتدى العام وتكرار المساهمات ( وكانت كلها حزن وموت وغبااااااااااء ) وشكرا للمشرف على المنتدى الأسري على التشجيع والدفع والتحفيز( خايف من كده ) بعدين المنتدى العام يخرب ويتباع في المزاد ببلاش !!! تقبلوا تحياتي
???? زائر
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 9:35 am
الاستاذ الكريم ابو الرجال موضوع رائع ونصائح تعقد بلاش خروجات احسن دي صاحبة رزلة عايزة تكرها في الزواج والخطوبة ولا يمكن حاطة عينها على خطيب صاحبتها ادام الله موضوعاتك الجميلة التي ادخلت الابتسامة على اهل البيت جميعا
أم مريم ديباوى مميز
عدد الرسائل : 938 العمر : 48 المزاج : هادئ تاريخ التسجيل : 25/12/2008
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 7:00 pm
الاخ الكريم أبو الرجال بس مقولتش هما في نهاية الخروجه راحو فين أكييييييييييييييييييد على المنتدى الاسري ههههههههه
فينك حبيبتي توتي اليوم لسه نايمه يالا عندنا شغل كتير بالمطبخ فين باقي البنات هأجهز لكم الفطار على ماتيجوا شكرا أخي أبو الرجال كنت بنادي على البنات من عندكم أقصد من شباك المنتدى العام لك واافرالاحترام والتقدير ودمت سالم
ABO_ALREGAL مشرف المنتدى العام
عدد الرسائل : 875 العمر : 65 الموقع : ميت الديبة المزاج : الحمد لله تاريخ التسجيل : 07/12/2008
موضوع: رد: نصيحة من فتاة لصاحبتها اللي على وش جواز !!!! السبت مارس 07, 2009 7:20 pm
شكرا للأخت الفاضلة/ توتي مرورك أسعدني وشكرا للمشرفة القديرة أختنا( أم مريم) والمنتدى العام بكل نوافذه وبلكوناته تحت أمرك تقبلي تحياتي