رساله الى بوش الابن

مكشوف الورق يابوش
ليه اللف والدوران
مصر مافيها تعصب
ولاتفرقه لاديان
مسلم ومسيحى بالوطن
مصرى والكل فى الحقوق سيان
دخلت المدرسه طفل
مع تريزا وسمعان
ولحد ما شبت والشعر
بالراس اصبح دبلان
وزيدبيضرب فى عمرو
وهذا المثل برهان
العمرماجرحنا مشاعر
حصانه للاديان
المسجدوالكنيسه عن قرب ور
والشعائر فى مواعدها تقام
وموائدالوحده دايمه وممدوده
طوال الشهر الكريم رمضان
فى الفرح لبعضنا نهنى
وفى الشده سوا خلان
ومين اشتكى لك من الاقباط
فى مصرنا وزعلان
الاسلامدين السماحه
وبريء من الارهاب
شفت لما فندق طابا
حصل عليه عدوان
وطابا دى ملكنا
وصادر بها احكام
فتحنا الحدود ع الاخر
للسرعه فى الانقاذ
لان الى تحت انقاضه
مهما يكن انسان
وعرفنا الجناه عندنا
بالاسم والعنوان
اما اللى وراهم عشان
يتبعكم بالطبع من جبان
مصر اصل الحضاره
وتشهد لنا الثلاث اهرام
ايا مها كنتم فى حالكم
ويادوب رعاة ابقار
وعايذ تغير مناهج
وتدخل فى الشريعه كمان
القران ربنا انزله
وحافظه من الطغيان
يابوش بلاش تلاكيك
غلط فى العنوان
علينا قوى بتنفرد
وقدام اليهود كمشان
واسرائيل الدرس فيها
الغير صهيونى عرضه للعدوان
قتل تدمير عربده
وحشيه ظاهره للعميان
ولافيه ضمير بيحاسب
ولاصدر بالادانه قرار
وعلى شعب العراق نازل
اباده لابرياء واطفال
وم الاصل ماكن
من حقك احتلال اوطان
واللى ادعيته كان افترى
وظهر بهتان
مكشوف الورق يا بوش
هيه حرب على الاسلام
اعلنها ابوك من قبلك
والف عليها كتاب
وعندى سؤال فى الاخر
ومايبقى ليه كلام
مين اللى قتل سيدنا عيس
فى الشبه وشده بالصلبان
وكانت رسالة المجدلله فى الاعالى
وعلى الارض السلام
والسلام هوه خيارنا
تنميه للشعوب وامان
مكشوف الورق يابوش
هيه حرب على الاسلام
وفى كل بترول العرب
باين عليك ولهان

خواطر المرحوم الحاج عبد الصمد عبد الجواد بالى يرحمه الله