قصص الانبياء بالشعر الجزء الرابع للدكتور/صبري اسماعيل

17--يوشع عليه السلام
*****
وبعد موسى خرج بيهم يوشع م التيه
بنى اسرائيل كلهم بالحزم والتنبيه
يوشع وراح بالأمل وطموحه جوه عنيه
يفتح بفضل القوى القدس ويقويه
والشمس ظلت بعون المولىمحبوسة
دخل الجميع سجداً دالقدس محروسة
دك الطاعون الأعادى والخطة مدروسة
*******************************************
18-سيدنا داوود عليه السلام
*****
عليك سلام الله ----------يانبّى ربّى داوود
نبىّ إنت وملك----------وفى الكِتاب موعود
فى قمة المعركة------------ترمى بأمر الودود
ترشق فى صدر العدو---ويموت فى لحظة جالوت
تِصبح كبير البلاد----------من شرقها للحدود
تدعو لتوحيد إلهى------والخير لكل الوجود
ينزل عليك الزابور----فيه الجِنان والوعود
وربى سخّر معاك------طيرها وجبالها قعود
وإن تسبّح تِسبّح-------وفى الكِتاب العهود
وفى الكِتاب ذكر ربى---حكمة وعقلك داوود

19--سيدنا سليمان عليه السلام
*******
*****
عليك سلام ربّى ------سيدى النبى سليمان
أورثك ربّى المُلك---------ونبوته وسلطان
تعرف لغات الطير--------والنمل والحيوان
والريح يسخّرها-----------تِذهب لأى مكان
تحكم فنعم الحُكم----------بالعدل والإحسان
بالوحى ربّى ارسلك-------ل هِداية الإنسان
هدهد يغيب تِسأله------ويرد رُحت ل مكان
بلقيس بِتحكم سبأ-------بالشِرك والكُفران
تِرسل رِسالة لها--------وتجِمّع الفِرسان
مارأيكم كلّكم------فى مُعارضته خُسران
تيجى الوفود بالهدايا----ويردها الإيمان
وينكّروا عرشها----تُدخل وليها إمتحان
يِكرمها ربّى بهدايته---تِسلم تِحسّ بأمان
بالعدل تحكم وتهدى-اللى غلبهم شيطان
ولمّا ربّك بيأذن-------ترحل إليه وبحنان
والكلّ شغّال بهمة---والوقت أعلن وحان
ماحد يعلم بموتك---لا إنس أو حتّى جان
الدابة تنخر عصاتك---وساعتها موتك يِبان
سبحانه ربّى اللى وحده---عالم بغيب الزمان
**********************
21و20—إلياس و-إليسع عليهما السلام
*****
اقرأ كتاب الله والذكرالمبين
مذكور فى الصافات إلياس الأمين
قال لاتعبدوا بعلا فتكونو من الخاسرين
واعبدواالله رب العالمين
وتبعه إليسع فى دعاء المرسلين
*********************************************
22--سيدنا يونس{عليه السلام}
*********
عليك سلام الله يونس ياصاحب الحوت
سنوات بتدعوا البشر ياما سِنين وتفوت
تِغضب تغادر ارضهم تِركب سفينة الموت
وبأمر ربى القوى تِنزل فى بطن الحوت
لولا الدعاء القوى منّك يارب القوت
{لا إله إلاّ أنت سُبحانك إنّى كُنت من الظالمين}
رددتها بالصوت
وفى العراء ينبذك—رب الوجود بالحوت
يقطين وبيه يسترك—اللى بإيديه ملكوت
******

23و24زكريا ويحيى عليهما السلام
*******
مريم ياأمّ النبى—يامنحة م الرحمن
الرزق بيكى نما—عهد الرضا وأمان
زكريا سيدى النبى –يرعاكى باِطمئنان
ولمّا ييجى الوقت—أعظم زمان وأوان
زكريا يدعوا القوى---- –يارب يامنّان
ترزقنى بالذرية—------رد الإله {فالآن}
قال له يارب الكِبر—والشيبة ليها اِمتحان
سأل العظيم الآيات—-كان الكلام بالمعان
تلت ليالى ماينطق—--كما ينطق الإنسان
والبشرى كانت نبّى—يحيى فى خير زمان
لكن كتيرم البشر—عاصية و راكبها جان
رافضة هدايتك يايحيى-رافضة الفتاوى كمان
القتل كان من نصيبك—والنار نصيب الشيطان

زائر

شكراً لك محمد على نقلك قصص الأنبياء ل الدكتورصبرى إسماعيل
وهى منشورة فى الكثيرمن المنتديات
ولكن أرجوا منك إضافة أسم الدكتورصبرى فوق كل جزء
حتى ينسب العمل الدينى هذا لصاحبه

» قصص الانبياء بالشعر الجزء الاول للدكتور/صبري اسماعيل
» قصص الانبياء بالشعر الجزء الثاني للدكتور/صبري اسماعيل
» قصص الانبياء بالشعر الجزء الثالث للدكتور/صبري اسماعيل
» قصص الانبياء بالشعر الجزء الخامس للدكتور/صبري اسماعيل
» سبب لبس الدبلة بالاصبع الرابع((البنصر))