رحلة إلى سطح القمر

بسم الله الرحمن الرحيم

إن شاء الله النهارده الكلام هيكون عن القمر لكن انا حبيت إن الموضوع يكون جديد من نوعه
فعملت الموضوع على أساس رحلة ومن خلالها هيكون معانا المرشد اللى هيمدنا بالمعلومات
وكمان حبيت إن أعملها على هيئة حوار يعنى أنا أسأل والمرشد يجيب عليا وعليكم بالطبع
بس عشان الرحلة متبقاش علمية بحتة , وضعت جانب ترفيهى يسلينا طول الرحلة
والحقيقة أنا حبيت إختيار أسماء حقيقية من المنتدى لان ده هيعطى للرحلة طعم أخر
وطبعا لم أحتار كثيرا فى إختيار دليلنا وهو كان الدكتور / عبد الجواد لأنه الأجدر بدور المرشد
نظرا لما يتمتع به من ثقافة وشغف بالعلوم وليسامحنى الدكتور إن كنت تجاوزت الحدود بهذا
الإختيار , أما الرفيق الثالث فالحقيقة أنا إحترت , لكن بعد دراسة إكتشفت أن محمد نظمى
" ابن عزيز مصر " هو الأجدر على الإطلاق لأن كما ستقرأون ستجدوا إن الشخصية
الثالثة هى محور الأداء كله ومنها الفكاهة وهى اللى ستسأل والحقيقة انا هغلت عليه
كثيرا فى الرحلة فمحمد هو الوحيد اللى هيستحملنى , بس لاحظوا إن هحكى القصة
بس هى من وحى خيالى وليسامحنى الدكتور / عبد الجواد ومحمد بيه نظمى صديقى
أخيـــــــــرا لكم كنت أتمنى إن الرحلة تضم كل الأعضاء لكن يلا محدش له نصيب
يلا نبدأ بس اترك لخيالك الواسع العنان واسبح معى , بس اوعى حد يغرق
أنا : تعبر عن شيكا *** الدكتور : تعبر عن الدكتور عبد الجواد *** محمد : تعبر عن محمد نظمى

بسم الله نبدأ الرحلة

أنا والدكتور ومحمد إتفقنا إن إحنا نطلع القمر وطبعا محمد ده كان مجبر عليا بس كلام الدكتور
طبعا ينفذ , المهم طلبنا من محمد يجيب لنا طبعا معلبات للأكل لزوم الرحلة , فراح اشترى
سوبر ماركت كامل زى ما انتو شايفين

طبعا الدكتور إنفعل .... بس محدش عارف ليه
محمد : إيه بس يا دكتور ..... لقتها أنا نسيت الكانز اللى حضرتك بتحبه
الدكتور : كانز !!! يا بنى الأكل ده مينفعشى كده هنموت فوق , رواد الفضاء بياكلوا أكلات معينة , عاملة زى معجون الأسنان
ومضغوطه فى علب زى علبة معجون الأسنان , والرائد بيحتاج كميات كبيرة من الكالسيوم عشان يعوض نقص العنصر
والنهارده ظهرت أطعمة يمكن تناولها فوق زى الجمبرى والتونا والذرة
محمد : يا دكتور ولا تزعل نفسك إن شاء الله هرد الاكل وهجيب الفلوس من عين الراجل
وطبعا الدكتور قال إن الأكل هو هيشتريه من أمريكا
وبعدين الدكتور حجز لينا تذاكر لأمريكا عشان هنركب المركبة الفضائية من هناك

فحملنا الشنط عالعربية وتوكلنا على الله رحنا المطار
ودخلنا الطيارة

رحلة إلى سطح القمر Airbus-corp-jetliner_10

والحمد لله الطيارة طلعت ومتنسوش إن محمد نظمى معانا هو والفلوس

وهنا بدأت معركة الأسئلة من محمد نظمى
محمد : ألا يا دكتور إيه لازمة البدل البيضة اللى إحنا هنشتريها من أمريكا.... ماله يعنى القميص والبنطلون ؟!!
أنا : قميص وبنطلون !!!!!!! إستغفر الله العظيم من كل ذنب عظيم
الدكتور : يا محمد رائد الفضاء بيلبس لبس معين فى الصعود ولبس معين داخل المركبة ولبس معين عند المشى
على سطح القمر ويتميز اللبس بكثرة جيوبه حتى تسمح للرائد بحمل أى شئ ومتنساش إن الملابس دى
تتسخ بصعوبة لأن هناك لا يوجد إستحمام وطبعا لازم يتوفر فى أى لبس الراحة والأمان , وكمان فيه شبكة تبريد عبارة عن
أنابيب يمر فيها الماء توجد تحت البدلة

محمد : تسلملى يا دكتور.... أنا قلت كده برده
أنا : قلت كده !!!! طيب اربط الحزام يا خويا عشان وصلنا
محمد : يا سلااااااااااام دا الطريق عدا هوا زى ما يكون الواحد كان رايح الشرم " شرم الشيخ "
أنا : طيب انزل يا شرم خلى الناس تعدى
طبعا لما طلعنا من المطار الدكتور إشترى اللبس والأكل وركبنا تاكسى إلى ولاية كاليفورنيا وبالتحيد صحراء موجاف
حيث المطار الفضائى

محمد : الله كل دى صواريخ فين يا بنى المركبة اللى انت حاجزها
أنا : يا محمد اصبر أنا حجزت ثلاثة اماكن اصبر بقى أنا رايح الإستعلامات اهو
المهم ركبنا مواصلة ووصلنا للمركبة اللى إحنا حجزناها

محمد : لا والله براوة عليك ياض يا شيكا أخيرا فلحت فى حاجه
أنا : طيب يلى يا فالح
ركبنا المركبة بس المركبة إتأخرت
محمد : هو إيه ياسطى إنت هتحمل أربعات ولا إيه
الراجل حب يغلس على محمد شويه
الراجل : أيوة هنستنى الرابع
محمد : ما انتو زينا اهو , يعنى أنزل أنادى وأقول واحد القمر وطالع ولا إيه !!!!!
الراجل : اللى مش عاجبه يحاسب عن الرابع
محمد : أيوة أحاسبلك عن الرابع .... إحنا شوية ولا إيه هو حساب النفر كااااااااام ؟
الراجل : 200 ألف دولار
محمد : لا أنا بقول نستنى الرابع أحسن
وقام محمد ينادى على رابع زى التباع بالظبط
طبعا أنا والدكتور فاطسنين من الضحك
الدكتور : تعالى يا محمد , يابنى المركب دى ملهاش سواق , والراجل ده هيطلق الصواريخ ويسيبنا
محمد : ابن اللذين
انطلقت المركبة بينا الحمد لله وطبعا محمد بيه مشرف

محمد : ألا البتاعة اللى إحنا ركبنها ماشيه ازاى
الدكتور : المكوك ده ينطلق بمساعدة محركاته وكمان محركات الصواريخ المساعدة بسرعة 4.1 كم / ثانية
وعند إرتفاع 43 كم تنفصل الصواريخ المساعدة وتهبط بواسطة المظلات لتسقط فى المحيط الأطلنطى ليتم انتشالها
وإعادة إستخدامها , وقبل وصول المكوك ينفصل خزان الوقود ليحترق فى الغلاف الجوى نتيجة إحتكاكه بالهواء
ثم يصل المكوك أو المركبة إلى مداره فتنفتح الأبواب وتنفصل المركبة القمرية عن مركبة القيادة للهبوط على سطح القمر
وتبقى مركبة القيادة معلقة فى الفضاء بينما تهبط المركبة القمرية على سطح القمر

محمد : صح كده
المهم الرحلة الحمد لله تمت ووصلنا بالسلامة وأدينا هنزل أهو زى ما انتو شايفين

الحقيقة الجو فوق متعب جدا وخطرجدا

أنا : هو يا دكتور رحلة الفضاء خطرة
الدكتور: الله , طبعا لأن هناك إحتمالات إصطدام المركبة بنيزك أو بنفايات الفضاء الناتجة عن المركبات والأقمار
الصناعية المدمرة والإنفجارات الشمسية والأشعة الموجودة فى حزام " فان آلن " حول الأرض
طبعا مشينا شوية وبعدين انا لاحظت حاجه
أنا : إلحق يا دكتور شوف الصخور

محمد : دى أكيد الصعايدة طلعوها مع الرمل والزلط
أنا : رمل ... زلط ..... صعايدة ....يابنى أشد فى شعورى..... أرمى نفسى عشان ترتاح
الدكتور : يا محمد لا الصخور دى زى صخور الأرض من حيث مكونات البوتاسيوم والصوديوم ونظائر الأكسجين
لكنها تختلف فى نسبة الحديد كما أنها تفتقد للماء ووجد نوع جديد من المعادن يسمى " الأرمالكوليت " موجود بصخور القمر
محمد : والله يا دكتور مش عارف من غيرك كنا هنعمل إيه

الدكتور : طيب ايه رأيكم فى الخط ده الموجود

رحلة إلى سطح القمر 1203979470moon_rilles_03

محمد : عشان أقلك يا دكتور ........ شفت الجرار معلم إزاى على القمر .....لا الحمد لله الواحد دارس تاريخ لما شبع
الدكتور : لا يا محمد الخط ده نتيجة نتيجة إنفصال القمر وإتصاله مره أخرى كما يحكى القرأن الكريم
" اقتربت الساعة وانشق القمر " ودى طبعا كانت إحدى معجزات الرسول صلى الله عليه وسلم والخط ده
يمتد لألاف الكيلو مترات كما تذكر وكالة ناسا الفضائية

محمد : أنا قلت كده برده
أنا : طيب يلا يا ابو العريف
وفجأة محمد إختفى وإحنا ماشيين , ندور عليه لقناه واقع فى حفره صغيرة وهنا الدكتور علق وقال

الدكتور : دا انت يا محمد ربنا بيحبك
محمد : ليه يا دكتور ... ربنا يبشرك
الدكتور : أصل الفوهات اللى انتى شيفها دى موجودة بعدد كبير جدا يعنى تقريبا 30000 فوهه فى الجانب المضئ من القمر
أما الجانب المظلم فلا يعلم عدد الفوهات به , ويقال إن سبب هذه الفوهات هو إن القمر غير محمى بغلاف جوى عكس الأرض
وبالتالى يكون القمر فريسه سهله لهذه النيازك , وللعلم تتعرض أرضنا لعدد كبير من النيازك يوميا لكن الغلاف الجوى

رحلة إلى سطح القمر 1179338980asteroid_impact1222

الذى وهبه الله للأرض يتكفل بهذه النيازك لأنها تتدمر هناك وتحترق ولا يهبط إلا رمادها , وللعلم يا محمد
الفوهات مختلفة الاقطار من عشرات الأمتار إلى عدة كيلو مترات , فاحمد ربنا إنك وقعت فى فوهه صغيرة

محمد : فضل ونعمة من الله ... الحمد لله
أنا : ألا يا دكتور أنا مش ملاحظ ميه ... هو مفيش ميه هنا
الدكتور : الحقيقة الموضوع ده ما زال تحت الدراسة لكن يمكن القول , إن المذنبات الضخمة والتى تضرب القمر
ما هى إلا كتل جليدية وبالتالى أثناه الإصطدام تكون فوهات كما ذكرنا وتترسب هذه القطع الثلجية فى قاع الفوهات
وبالتالى تحتوى على نسبة ماء أما عدم وجوده فهذا نتيجة أشعة الشمس والتى تبخر الماء , كما يمكن القول
ان الفوهات العميقة والتى تكون بعيدة عن أشعة الشمس يشك أنها ما زالت تحتفظ بالماء اما المتعرضة لأشعة الشمس
فتتبخر بها الماء سريعا , وللعلم فإن القمر يدور حول نفسه فى 27.5 يوم فالبتالى تتعرض جميع جهاته لأشعة الشمس , لكن إذا علمنا أن
محور دوران الشمس حول نفسه يميل بزاوية 1.5 عن المحور العمودى , فإننا نستنتج أن الفوهات الصدمية اعميقة والواقعة على قطبى القمر
لا تصل أشعة الشمس إلى قيعانها فتبقى فى ظلام دائم , أخيرا هناك ما يقرب من 14000 كم من سطح القمر فى ظلام دائم

محمد : سؤال بقى يا دكتور عشان ابقى شربت الموضوع ... هو القمر جه إزاى ؟!!!!!
أنا : القمر جه إزاى !!!! طيب ده سؤال يرضى ربنا
الدكتور : إيه يا جماعة ..... سؤالك حلو يا محمد وهجاوبك عليه
محمد : شوفت يابنى الأسئلة اللى فى صميم الموضوع ... مش زيك .... الميه .... اللى عطشان يشرب من دارهم يا خويا
أنا : طيب يا عم الصميم .... إتفضل يا دكتور جاوب أبو العريف عشان يشرب الموضوع زى ما شرب التاريخ
الدكتور : فيه يا محمد 3 نظريات لنشأة القمر , الأولى بتقول إن فيه إحتمال أن جسم كبير كالمريخ إصطدم بالأرض ونتج

صخزر متبخره تجمعت لتعطى القمر .. لكن الإحتمالات دى ضعيفه لان مثل هذه التصادمات من الممكن أن تؤثر جدا على مدار الأرض
كما أنه يتوقع أن للقمر قلب معدنى ولا يمكن للب أن يتكون فى وجود التصادم ... وهذه تسمى نظرية الإنفلاق
أما النظرية الثانية فتتحدث أن القمر نشأ فى مكان ما وجذبته الجاذبية الأرضية ليدخل مجال الأرض .. وتسمى نظرية الأسر
وهذه النظرية غير مقبولة أيضا
أما النظرية الثالثة فتتحدث عن نشأة القمر والأرض من سديم المجموعة الشمسية وهذا يفسر أنهما من نفس المادة تقريبا
وتسمى هذه النظرية بنظرية السديم الشمسى .. وهى غير مقبولة أيضا
حتى جاءت نظرية حديثة تحدثت عن تصادم جسم سماوى كبير بالأرض لينتج من التصادم القمر كأحد الصخور المفتتة
وتسم هذه النظرية بنظرية التأثير ... وتعتبر هى أقربهم .. لكن مازالت النظرية لم تعطى مفهوما واضحا
محمد : أنا قلت كده برده
وطبعا غبنا نسأل والدكتور يجاوب وبعد ما خلصنا الرحلة وهنستعد للنزول
فجأة نلاقى محمد بيجرى , جرينا وراه , وفجأة نلاقيه

عمال يحيى العلم

المهم طبعا إحنا إتبسطنا قوى بالرحلة وكنا لازم ننزل وبعدين دخلنا المقصورة أو المركبة القمرية
واتحركنا بيها عشان نوصل لمركبة القيادة , والتى تنطلق فى الإتجاه العكسى بسرعة حتى تنفصل عن المدار الخارجى
لتدخل مدار الأرض فتقلل من سرعتها لتسقط فى المحيط
بس لحمد لله إحنا نزلنا زى ما انتو شايفين

أتمنى ان تكون الرحلة قد نالت إعجابكم
وطبعا إحنا إستمتعنا بتوضيح ورد الدكتور / عبد الجواد على الاشئلة
وكمان استمتعنا بمحمد نظمى وخفة دمه
وبتأسف للدكتور /عبد الجواد .. إن كنت تجاوزت حد الادب معه
وكمان للعزيز / ابن عزيز مصر ... انا عارف إنه هيتقبل الموضوع
والحقيقة انا لم أستأذن منهم لأنى أتعشم فيهم خيرا وأعتبر نفسى تلميذ وابن للدكتور عبد الجواد
وصديق وأخ أكبر للجمييييييييييييل محمد نظمى

سلااااااااااااااااااااااااااااااااااااااااااااااااااااااامى

بسم الله ما شاء الله
حقيقي فكرة الموضوع لا تخطر على بال أحد
بس بجد رائعة وفعلا مفاجئة جميلة
ومجهود غير عادي ومعلومات قيمة والحوار بينكم شيق جدا
وربنا يستر من الهبوط أنا ملاحظة إنه فى المحيط
حفظكم الله من كل سوء
بارك الله فيك وجعله فى ميزان حسناتك

جميل جدا الإبن شيكالدينيو أن نخوض غمار هذه الرحلة الممتعة ولكن هناك مشكلة فى كونى أصاب بدوار الصعود للأماكن العليا والثانية انها راحت علينا وأعتقد أن البركة فى الشباب أمثالك ومحمد نظمى وأولادنا وعسى أن نرى ذلك فى أوطاننا أقصد أن يكون الإقلاع من قاعدة عبود الدولية أو حتى جرن ميت الديبة
فهل هذا ممكن؟؟
أعتقد أننا الآن نهزى هزى المحموم مما أصابه من وهن وهزيمه ويأس من الإصلاح فى وضع أهداف واستراتيجيات ولو لسد احتياجاتنا من القمح والدواء وباقى الغذاء بعدها سيكون هناك أمل فى تحقيق حلمك هذا بسواعدكم وسواعد أبنائنا أو أبنائكم, فلن نفقد الأمل فى الله أن يوفقنا لنأخذ بالأسباب ليتحقق لنا ما نتمناه
شكرا على موضوعك الذى وضع المعلومة العلمية فى ثوب القصة والفكاهة فكم سعدت به و نحن جميعا فى انتظار المزيد

الحمد لله يا دكتورة إن الرحلة عجبتك
ولكم كنت أتمنى والله أن تكونى معنا بس إنت عارفه " المركبة مبتشلش أربعات " بس إعملى حسابك
الرحلة الجاية معانا إن شاء الله , أو تقومى بها حضرتك وتعزمينا معاكى
أما موضوع الهبوط فالحقيقة عشان ننزل بالمطار هيكون الأمر صعب نظرا لشدة الصدمة المتوقعة
بس العلماء بيحاولوا وعلى ما أذكر أنه للهبوط على الأرض يتطلب رصيف بطول ما يقرب من 100 كم أو يزيد
مع العلم إن المركبة ستتأذى بعض الشئ , لذلك أنا قلت المحيط أفضل أو هو ده المعتاد فى الوقت الحالى
وقلت أهى فرصة أتخلص من محمد نظمى فى المحيط !!!!!!!!! بس للأسف طلع عايش
يلا يا دكتورة : مشكووووووووووور والله جدا على المرو
سلاااااااااااااااااااااااااااااااااااااااااااااااااااامى

الله وبعدين يا دكتور ........... طيب مين هيشرحلنا
اولا : أنا مشكوووووووووور يا دكتور لعدم انزعاجك بموضوع الإسم
بس أنا ليا عندك عتاب : حد ياخد محمد نظمى معاه؟!!!! يلا مش مشكلة
ثانيا يا دكتور موضوع قاعدة عبود أو جرن ميت الديبة : حط بس حضرتك الأساسيات وإحنا هنكمل علطول
طبعا بدون محمد نظمى
أخيرا بقى يا دكتور : حمد الله على سلامة الوصول
سلااااااااااااااااااااااااااااااااااااااامى

بسم الله الرحمن الرحيم...
ابدأ كلامي...بـــــــ...
اولا:اشكرك ياشيكالدينيو علي اختياري لاكون معاكم في هذه الرحله الطيفه.
ثانيا:اشكر مره اخري حبيبي شيكالدينيو وانا والله العظيم بحسدك علي دماغك سبحان الله الموضوع مركب بطريقه فوق الوصف انا بصراحه مش لاقي كلام اقوله ربنا يبارك لك في دماغك.
ثالثا:بـــ لنسبه لجانب الزعل اللي اتكلمت عليه يا شيكالدينيو انا عمري ما ازعل منك مهما حصل واتمني الرحبه الجايه اكون معاك انته والـــ الدكتور والدكتوره ان شاء الله واتمني ان تسمي الرحله القادمه بــــ (اسلامي حول العالم) وانا مستعد اشارك في الوضوع كتابه اتمني ان تقبل الفكره من جانبك انت والدكتور والدكتوره
ان شاء الله ياتري يادكتور هتيجي انه والدكتوره معانا ولو عايز اتخلصلك من شيكالدينيو قولي بس وانا هقوم بالازم حتاي علشان وجع الدماغ اللي هيسببه اثناء الرحله يعني فيه حد في الدنيا يطلع القمر يسأل عن المايه يابني لوعايز تسأل عن حاجه وانته فوق اسأل هتأخد ايه وانته نازل للتحت شوفت الاسئله ياباشا مش تقولي اكل وشرب انته وحظلك لو الدكتور والدكتور رضوا اللي انته تيجي معانا انا ماعنديش مانع بس قبل ماتيجي تجيب اكلك وشربك معاك
علشان وحع الدماغ اللي انته هتعمله.
رابعا:اشكرك يا دكتور علي انك ما زعلتش من الواد ده ده واد طيب وبيحبك.
خامسا:اشكر الدكتوره علي الرد الجميل والثناء الحسن علينا وان شاء الله تكوني رقم 2بعد الدكتور طبعا في الرحله القادمه.
في الختام اسأل الله ان يوفقنا الي مايحبه ويرضاه.

حمدا لله على سلامة الوصول
الآخ شيكالدينيو موضوع جميل ومعلومات قيمه جدا بارك الله فيك وأحييك لحسن اختيارك الأشخاص اللى كانوا فى الرحله
حمدا لله على السلامه مره تانيه وللأمام دائما ان شاء الله

حبييييييييييييييييييييييييييييب قلبى / محمد نظمى
يا جمييييييييييل انت عارف لو كنت طلعت الرحلة من غيرك كنت زمانك مت من الزعل
بس حقيقى انت خنقة فى الرحلة يا راجل " صعايدة ... رمل ....زلط .... وكمان أربعات " لالالالا دا انت كنت فى عالم تانى
يا صاحبى انا اخترتك لأنى عارفك مش هتزعل مهما قلت عليك
وحقيقى كلاااااااااااااااامك جميييييييييييل جدا وده وسام على صدرى
بس الرحلة الجاية اوعى تيجى معانا
" حد ينزل المحيط ومبيعرفش يعوم "
يلا يا نجم
حمد الله على سلامة الوصول
سلاااااااااااااااااااااااااااااااااااااامى

عبده باشا
مشكووووووووووووووووور يا جميييييييييييل عالمرور
والحمد لله إن الرحلة عجبتك
وإن شاء الله تبقى معانا المره الجايه
مشكووووووووووووور يا نجم مرة ثانية
سلاااااااااااااااااااااااااااااااااااااااامى

احبكم الله الذي أحببتموني فيه أيها المحمدين والشكر موصول للأخ عبده
وإثراءا للموضوع نقلت لكم هذه

القمر كان كوكبا مشتعلا

قال تعالى : (وَجَعَلْنَا اللَّيْلَ وَالنَّهَارَ آيَتَيْنِ فَمَحَوْنَا آيَةَ اللَّيْلِ وَجَعَلْنَا آيَةَ النَّهَارِ مُبْصِرَةً لِتَبْتَغُوا فَضْلاً مِنْ رَبِّكُمْ وَلِتَعْلَمُوا عَدَدَ السِّنِينَ وَالْحِسَابَ وَكُلَّ شَيْءٍ فَصَّلْنَاهُ تَفْصِيلاً) (الاسراء:12)

قال المفسرون آية الليل هي القمر و آية النهار هي الشمس .

قال ابن عباس : عن قوله تعالى : فمحونا آية الليل" لقد كان القمر يضيء كالشمس فطمسنا ضوءه ".

الحقيقة أن القمر و الأرض و المريخ و كل كواكب المجموعة الشمسية عندما بدأت كانت كلها مشتعلة و سبب هذا هو ان المواد عندما أخذت تتجمع مع بعضها بعد انفجار الشمس الأم و تكوِّن محيطاً فتندفع إليها القطع الباقية حولها بسرعة جبارة بسبب الجذب و يزداد ارتطام هذه القطع على الكوكب المتكون فتزيد من حرارته زيادة كبيرة حتى تصل إلى درجة انصهار سطحه كله ، وهذا الانصهار يصح أن يمتد إلى سمك حوالي 300 كيلومتر في عمق الكوكب المتكون مع جميع الجهات . هذا في حالة القمر أما في حالة الأرض فإننا لا نعرف ذلك لآن الأرض تغيرت كثيراً جداً عن يوم خلقها أما القمر فتغير قليلاً جداً من يوم خلقه الله .

و هذا الصهير يكون لونه احمر مثل النار و الصخور تكون منصهرة و سائلة ، و هذا يعني أن درجة الحرارة أكبر بكثير من درجة حرارة النار التي نعرفها فنحن لا نستطيع أن نصل بدرجة حرارة النار لدرجة صهر الصخور لتصبح سائلة أبداً ...

و في هذا الصهر الصخري أو الصخور السائلة تبدأ عمليات انفصال المعادن فتأخذ المعادن الثقيلة في الغوص إلى تحت و تطفوا العناصر الخفيفة إلى فوق ، و نعلم أن هذا قد حدث في قشرة القمر .

و معنى هذا أن الكوكب أو الجسم السماوي يكون ملتهباً في بدء خلقه ، نتيجة ما يتراكم على سطحه من طبقات و قطع المجموعة الشمسية الصلبة و حتى تنصهر المنطقة العلوية كلها في سمك 300 كيلومتر و تبدأ العناصر الثقيلة في الرسوب و تطفوا العناصر الخفيفة و تبرد وتكون القشرة من عناصر خفيفة فوق و عناصر أو معادن ثقيلة تحت

بارك الله فيكم وفى إنتظار الرحلة القادمة من الإبن شيكالدينيو تحت سطح البحر إن شاء الله فى أجازة عيد الأضحى

جزاكم الله خيـــــــــــــــــــــــــــــــــــــــــــــــــرا
بس حضرتك سبقتى وحرقت المفاجأة
لما حضرتك قلت أنا بيجيلى دوار من الأماكن العليا
قلت بس هو أعماق البحار هو الحل
بس حضرتك حرقت المفاجأة
خلاص الرحلة الجاية عالمريخ إن شاء الله

باليونانية :افخريستو بولي
بالصينية: راخ مت
بالاسبانية: جراتسي
بالايطالية: جراثياس
بالحبشية: اميسكانالو
بالانجليزية: ثانكيو
بالفرنسية:مغسي
بالألمانية : دنكه
بالتركية : تشك تشكر ادارم
بلغه مصر الام:شكرا

دكتورنا الفاضل
الإبن محمد
لاحظت أنكم قررتوا البدء فى رحلة جديدة ولم تكملوا لنا المعلومة عن القمر
أين الجديد عن علم القمر
ودمتم فى حفظ الرحمن

والله يا دكتورة أنا جديد صعب تلاقيه عندى
مش عارف إيه الجديد عند الدكتور
بس لو فيه معلومات هضيفها علطول إن شاء الله
دمتم فى أمان الله
سلااااااااااااااااااااااااااااااااااااااااامى

Top of Form

الإنسان يزرع الزهور على سطح القمر قريبا
قال علماء في مركز الفضاء الأوروبي إيسا إن اليوم الذي ستتفتح فيه الزهور على القمر قد اقترب.
واضافوا ان التجارب توصلت إلى إمكانية زراعة زهور "الماري جولد" وسط صخور مشابهة إلى حد كبير لسطح القمر.
ويعتبر البعض أن نمو النباتات على سطح القمر سيكون الخطوة الأولى للاستقرار البشري هناك.
وقد تم طرح هذا البحث في مؤتمر اتحاد الجيوساينس الأوروبي والذي ينعقد في العاصمة النمساوية فيينا ويضم أكبر تجمع لعلماء أوروبيين يدرسون الأرض ومناخها وجيرانها في الفضاء.
وأعرب العالم البارز برنار فوينج عن اعتقاده بان نمو النباتات على القمر قد يكون مفيدا كأداة لتعلم سبل تكيف الحياة في ظروف القمر وكوسيلة عملية مساعدة لاقامة قواعد بشرية هناك.
وقال فوينج لبي بي سي "إن نمو النباتات على سطح القمر ستبين كيف يمكن الحفاظ على الحياة البسيطة في ظل ظروف بيئة صعبة".
وأضاف قائلا "ولا أجد ما يمنع من تنفيذ نفس الفكرة على الفواكه مثلا حيث يمكن شق سطح القمر بأدوات معينة ووضع البكتيريا والبذور ويمكن للعلماء اختيار النباتات والبذور التي تتلاءم وظروف القمر".
غير أن أحد المراقبين في المؤتمر استبعد أن تصبح زراعة الماري جولد أو التيوليب أو الكرنب على سطح القمر جزءا من استراتيجية، وقال "إنه خيال علمي".

منقول للفائدة

الحقيقة يا دكتورة الموضوع ده صعب جدا جدا
يعنى لك أن تتخيلى إن هناك بعض الناس يكذب الرحلة الأمريكية بالأساس
ويبين أنها خدعه سينمائيه لتغطية الحرج الذى تسبب من صعود الروس وعدم صعود الأمريكان
ويثبتوا كلامهم بالصور كما أعلن بعض العلماء أنه من الصعب بل من المستحيل عبور
حزام " فان آلن " المحيط بالأرض حيا لأن كمية الإشعاع توازى مثلا المنبعثة من القنبلة النووية
وهذا ما لا يتحمله الإنسان
وللعلم فإن رواد الفضاء لم يسلموا من المشاكل الصحية
" يعنى الموضوع لغز كبير "
ولو عايزى تشوفى التكذيب ممكن أنزله
فتخيلى بقى زراعة النباتات فوق
أعتقد يعنى يستحيل ذلك
مشكووووووووووووووووووووور عالنقل والإهتمام
سلاااااااااااااااااااااااااااااااااااااااااااااااامى

الإبن محمد
مشكور على التعليق السريع وهو يدل على أنك ماشاء الله قرأت كثيرا عن هذا العلم
ولو لاحظت أن أحد المراقبين ذكر فى نهاية الموضوع أنه خيال علمي
وعموما يوجد كلام كثير عن القمر ولكن المشكلة أنني لا أجيد أعمال الكمبيوتر وخاصة النقل والبركة فيك أنت والدكتور عبدالجواد وباقي أعضاء المنتدى لتكملوا لنا هذا الموضوع

السلام عليكم ورحمة الله وبركاته

أنا رأيت هذا الموضوع بالأمس واستمعت جدا بقراءته
وحاولت أن أرد فلم أجد والله الكلام المناسب للرد على مثل هذا الموضوع الرائع

يكفي أن الموضوع عن القمر
والله كفى بها
فأنا من عشاق علم الفلك

وها أنا هنا أستمتع بقرائته من جديد
فشكرا للأخ المبدع صاحب العقل الفذ

الجميع اختار الرحلة القادمة
وجاء دوري لأختار الرحلة القادمة إلى أحد الثقوب السوداء في الفضاء
فهو موضوع محير إلتفت حوله الكثير من الفرضيات
وأتمنى أن يكون هناك بحث او موضوع في المنتدى قريبا عن الثقوب السوداء

والله أنا أبتسم كلما أرى موضوع جديد في منتدى العلوم والتكنولوجيا
فأنا أحب هذه العلوم جدا
واشعر أنه مازال هناك متابعين لهذه العلوم
والله افتكرتهم انقرضوا

وأطلب ممن لديه أفلام وثائقية في أي علم من العلوم أن يقدمها لنا
لكن ارجو ان تكون بدون موسيقى في خلفيتها
لأني امتلك الكثير من الأفلام الوثائقية لكنها جميعا مختلطة بالموسيقى

وسوف أتابع منتدى العلوم والتكنولوجيا باستمرار وانتظر جديده المشوق
والسلام عليكم ورحمة الله وبركاته

مشكوووووووووووووووووور يا جنة
وبعدين هو فيه حد بيحب علم الفلك " دا كله ألغاز " ما علينا
لالالالالالالالالا هو علم ممتع طبعا
وموضوع الثقوب السوداء إن شاء الله يتحط فى الخطة
بس أنا ليا طلب
الأفلام الوثائقية اللى عندك
لو فيها برنامج سرى للغاية للمقدم يسرى فوده
فيه منه حلقات كتيييييييييير
يا ريت لو عندك بعض الحلقات منه وبخاصة
العبور إلى المجهول بالأجزاء الأربعة
أو أى حلقة , أنا بحاول أنزلهم لكن للأسف كله مرفوع على الرابيدشير
فيا ريت لو اهتميتى بالموضوع وبحثتى عندك كويس
ومشكوووووووووووووور جدا عالمرور
سلااااااااااااااااااااااااااااااااااااااااااااااامى

» رحلة إلي داخل جسم الإنسان
» رحلة إلى الشمس
» رحلة إلي المطبخ
» رحلة إلى الثقوب السوداء
» رحلة الى مدائن صالح