( مطبخ خورشيد ـ 2)

مازال مطبخ خورشيد المتواضع ( أرخص مطبخ في العالم ) يقدم لكم أسهل الوجبات وأرخصها على الإطلاق مع التأكيد على أنها وجبات غذائية كاملة وشاملة لجميع العناصر التي يحتاجها الجسم ،
وقد قدمنا يوم أمس وجبة ( الأرز بالمش بالبصل ) وشرحنا فوائدها ، وإن لم تلق إقبالاً من البعض بزعم من القول أن الفلاحين يأكلون الآن الاستيك والمحاشي والمحمر والمشمر ، وللآن لم يفدني أحد ما هو ( المشمر)
وفي هذا الإطار وعلى نفس النهج ، ومن مطبخنا المتواضع أقدم لكم وجبة اليوم :ـ
المقادير :
ربع أو نص فرخة ، يالله باظت وخلي العيال تاكل لحمة النهاردة الخميس !!!
بصلتين أو ثلاثة وفصين توم .
طمطتين ، وملح وفلفل
أغسلي ربع الفرخة كويس بالملح والليمون والدقيق علشان ريحة الزفارة ،وقطعيها لقطعتين تلاتة ، حلو الكلام قولوا حلو
اسلقيها بشيو ميه صغيرين مع بصلة علشان الشوربة وشوية ملح وفلفل .
قطعي بصلتين تلاتة قطع صغيرة وصفريها بشوية زيت ذرة .
أعصري الطمطتين وادلقيهم ( حلوة ادلقيهم دي ) على الطماطم وسبكيها.
أمسكي ربع أو نص الفرخة ونتفي لحمها لقطع صغيرة جداً وارمي العضم للقطط ( لازم الكل ياكل )
ضعي قطع اللحم الصغيورة خالص على الصلصلة والطماطم واتركيها عشرة دقائق .
وزعي المنتج في طبقين أو تلاتة حسب عدد أفراد الأسرة .
على فكرة ممكن عمل سندوتشات من المنتج للأولاد
اسلقي شوية أرز أو حضري الخبر مع طبق سلطة .
وبالهنا والشفا .
( مطعم خورشيد يحييكم .. ويقدم لكم أرخص الوجبات .. وأكثرها فائدة للجسم )
نسبت الحلو :
عود قصب من السوق ، وكل واحد نبه ، آه حاجة تحلي الفم وخلاص ، وإذا تعثر ذلك وكان بجواركم أرض مزروعة ذرة ، استأذن صاحب ألأرض بعودين صفر بجوار القناية أو المروة ومص انت وعيالك عقل،
وبالهنا والشفا .

ههههههههههههههههههههههههه
الاخ خورشيد
شكل ضلف الاسري بتتوارب على صوابعي
هتقفله أأأأأأأأأأأيه الوصفات دي
جبت الكلام دا منييييييييييييييين مش ممكن
هو فيه كدا معقول عارف الاشياء دي
وبعدين الاخ غريب مبسوط ماااشى
ماأنتورجاله مع بعض وأحنا الغلابة
أرحم الاسري من وصفاتك
تقبل فتح أنابيب الغاز وغلق الابواب

الاخ العزيز موسى
مبنشويش لحد حبيبي بنجر أيه المطبخ الفقير دا
وعوقل وقصب ياااااااااااااااااااااااه بدائيييييييين أوي
فين مساهماتك ياهندسه سيبك من خالك شويه

استاذي الفاضل خورشييييييييييييييييد
يبعدوا عن مطبخ أم مريم معقوله الحلويات الشرقية والغربية وجمالها
وبعدين عندنا قسم بعسل النحل الطبيعي ودا صحي جدا
وكمان الوجبات الرائعة أل تخلي وجه الزبون يلمع عند دفع الفاتورة بسعادة غامرة
وبعدين ملاحظين أبن القاضي الصغير بعد الوجبة أياها من يوم مكان راكب التك تك
ورايح عندكم مش باين وظهر عليه علامات الشعر والنثر والهندسة الوراثية
تقبل مرورنا ودمت في الاسري