( مطبخ خورشيد )

موضوع: ( مطبخ خورشيد ) الثلاثاء مارس 10, 2009 6:38 pm

أكله شعبية رخصية خالص وفيها جميع المكونات الغذائية من بروتين ونشويات وفيتامينات .
رأيتها وشممت رائحتها وتمنيت أن آكلها ولكن لم أجربها ، رغم أن رائحتها مازالت تعشش في ذاكرتي
وهي عبارة عن :
1) برام أرز مدسوس في الفرن بالميه بالحليب مش مشكلة .
2) صحن مش من عندك أو شاحته من الجيران برضه مش مشكلة .
3) 3 بصلات خضر من أرضك أو لطشهم من عند الجيران برضه مش مشكلة .
وتجلس تاخد برام الرز بين رجليك ومعلقة حجم كبير وتنزل من وسط البرام من غير رحمة إنت حتدمر البرام حتدمره مفيش كلام ، تخبط الملعقة وتضرب البصلة في المش وتاخد قضمه ، كل ملعقتين رز تخبط قضمة بصل بالمش .
وبألف هنا وشفا
( مطبخ خورشيد يحيكم ويقدم لكم أجمل الوجبات وأرخصها ... زورونا تجدوا ما يسركم )
وإلى الوجبة القادمة تمنياتي لكم بالسعادة والتوفيق ...

هههههههههههههههههههههههههههههههههه
زورونا في المرات القادمه

هو يا أخ خورشيييييييد أل هيعمل العمل المخيف دة هيشوف الدنيا تاني
مطبخ خورشييييييييييييييييد
لالالالالالالا

متنازله عن مساهماتك روح العام
شكلي أنا ألي
هأطلع أرص الكراسي
وأقولة رص الكراسي يابندق رص

تتصور ياخورشيد بك 000 انت قلت المفيد ، بلا كوسة بالمشروم ولا كوسة بالباشاميل ولا لحمة مفرومة او مهروسة ، انت جبت من الاخر هو دة اللى ينفع بس خلى بالك ام مريم ناوية نية مش تمام ليك ابقى اجر بودى جارد علشان محدش ضامن اليومين دول

ياسلام وبعدها الواحد يركب اى موصلة وهو مستريح
اهبل مين الهيقعد جنب الريحة الهائلة هذة
وجبة مفيدة وصحية
تقبل مرورى

الله يكرمك ياخويا محمد بك المشد ، سترتنا ياراجل الله يسترك ، لقيت واحد يقف معايا ، هي الصراحة معدتش تنفع الأيام دي ولا إيه ياجماعة ، بقى محدش شاف المنظر اللي أنا حكيته ده ؟؟؟ وهو عيب يعني؟؟ ولا لازم اللي ما تتسمى السكينة والشوكة والمعلقة ؟؟؟ ولازم المحمر والمشمر رغم اني مش عارف إيه هو المشمر واللي يعرفه يقوللي عليه أرجوكم ، وعلى رأي أخويا المشد لحمة مهروسة ولا مفروكة ولا مدعوكة بلاش عك ، نشويات في الأرز ، بروتين في المش ، فيتامينات في البصل ، عاوزين إيه تاني بلاش طمع ما تكلوا وتعيشوا وخلاص ، والله العظيم نفسي آكل الأكلة دي .. بس يا رب معدتي تستحملها ، بعد الكورن فليكس والمارون جلاسيه والمفروم والمهروس لما الواحد بطنه لبكت من العجن وكتاب أبلة نظيرة وتطبيقاته الفاشلة .
( تابعوا مطبخ خورشيد سيقدم لكم أرخص الأكلات وأسهلها وأفيدها ... بالهنا والشفا )

ماشي يا ابن القاضي الكبير ، بعد ما كنت حعزمك على حلة محشي ، محروم وحياتك محروم ، هو بعد الأكله دي فيه مواصلات يا حبيبي ، دانت لازم تنام أربع خمس ساعات مكانك والبرام فاضي بين رجليك ، المهم يكون فريحك زير تشرب منه .
محروووووووووم .
( أدخلو مطبخ خورشيد .. قريباً وجبات مجانية وتوصيل للمنازل .. واتحداك يا أم مريم )

بصراحة الفلاحين اتغيروا وماعدوش بياكلو الاكل ده بس بصراحة انا شوفت كده بس عيش بدل من الرز وياسلام لو شوية خضار وطمطماية واديها والله انا جوعت هاسيبكم بقي واروح اتغدي فراخ علي الفحم
في انتظار المزيد ياحاج بس ماتطولشي علينا

مكتش العشم با محمد يا حبيبي ،
أنا قلت انت في صفي ، يا سيدي مش الفلاحين ، كل الناس ، إيه المشكلة ، لازم فراخ على الفحم ، ليه قلة البركة ، طيب ما تخليها في شوية شوربة ببصلتين ، تشرب الشوربة وتعمر راسك وتاكل الفرخة ، وتبقى عشرة على عشرة .
على العموم الأكلة القادمة سوف تعجبك إن شاء الله .
( انتظرو الجديد في مطبخ خورشيد ... مطبخنا متجدد دائماً .. شعارنا كل واشبع بأرخص الأسعار أو حتى بلوشي )

واللة ياحج جبت من الاخر واللة نفسى تزورنى وانا اعملك الاكلة دية مش هتكلفنى حاجة اللبن فى صندرة ستى والرز فى الصومعة والبصل من على الريشة والاكيلة موجدين نسيت اقول لك المعلقة فى الرشاقة تقبل تحياتى

الاخ الكريييييييييييييييييييييييم خورشييييييييييد
هوا فيييييييييييه أيييييه
وجبات رخيصه وممكن ببلاش واتحداك يا أم مريم
أوكى يعني هتكلو كدا لامته يوم يومييين
وهتجروا على مطبخ أم مريمم
وساعتها هنغلي الاسعار وووووو
وبصراحة أنا شايفه الرجال بيتحيزو لبعض
المهم تقبل مروري وهأروح أشوفلي مساهمة ببلاش أنزلها للبنات
دمت سالم

أشكر الأخ الحبيب محمد العطار ،
تحياتي لك ،
ونصفتني الله ينصفك ياشيخ ويكرمك يارب ويزيدك من نعيمه ،
أنا على الوعد وقبلت الدعوة في الإجازة القادمة بمشيئة الله ، بس المعلقة تجيبها من الشنشنة ( حد يعرف ما هي الشنشنة ) ؟؟
تقبل تحياتي وشكراً على مرورك الكريم .

انا حاطط الشاى على الراكية

اعملك كوباية شاى مرغية

بس سكرك ايه؟؟؟

ولا احط السكر مع المية وهى بتغلى علشان اللى يشرب يتنفخ

ولا على ايه

هو كدة كدة منفووووووووووووووخ

affraid

على فكرة برام الرز مدخن

وطى الشروقة

وبلاش الولعة بالاقراص ايااااااااااااااها

Laughing

زائر

الخ الكبير
خورشيد
بصراحة هي اكلة حلوة مفيش كلام واقتصادية في لحظة اكلها بس
لكن يا عيني بعد كده على مصاريف المستشفى والادوية
غير ان الواحد هينام اسبوع فترة نقاهه
وبعدين انت نسيت حاجه مهمه في الوصفة ان نبلغ الاسعاف قبل
الشروع في القتل اقصد الاكل
تقبل مزاحي
هي فعلا ممكن تكون اكلة حلوة بس انا مجربتهاش
ايه رايك يا استاذنا تجربها وتقولنا على النتيجة
وربنا يستر
لك جزيل الشكر

شكراً لمرور الباشمهندس موسى
و الفاضلة توتي

بصراحة، هذه الوصفة ، أحد الأصدقاء نقلها لي منذ عدة سنوات، وأنه شاهد سيدة تمارسها ، وهي بكامل الصحة والعافية ،

ويقول لي مازالت رائحة المش والبصل معششة في رأسي عدة أيام
حتى طلب من زوجته أن تحضر له برام أرز وبصل أخضر ومش
وقام بتجربتها ، حتى أنني أحبب تجربتها ،
في الإجازة القادمة سوف أجربها والأمر لله ، حتى لو حدث لي مكروه ، أكون بجوارالأهل والأصدقاء والمقابر
شكراً لمروركم ، وجمعة مباركة
تمنياتي لجميع الأعضاء بالصحة والسعادة ورغد العيش
( تابعوا مطبخ خورشيد ... سيقدم لك وجبات متطورة ومتميزة ... مع الحرص على رخصها وسهولتها )

زائر

السلام عليكم اخى العزيز //ممكن زيارة الى موقعكم //***واتمنى لكم اكل شهيا بس من غير لطش من احد نرجو اكلا طيبا ***اخوك فاللة نا د ر

صح لسانك توتي حبيبتي
كنت فين وسيباني والاخ خورشيد واخد راحته في المطبخ
وبصراحة صحة الاعضاء في خطر
ههههههههه
معلش الاخ خورشيد كنت بسلم على توتي من عندك

زائر

الاخ الفاضل
خورشيد معلش اسأذنك ارد السلام على ام مريم
الله يسلمك ام مريم حبيبتي

هلا توتي حبيبتي
ولايهمك فين دكتورة حسنية مش باينه وباقي البنات
ناديهم عندنا اجتماع الساعة عاشرة مساء
علشان هنعمل خطة سريه أقصد خلطة
لزيادة نوم الاعضاء وزغلله في الرؤيا وهدوء في الاعصاب
وتقل في الكلام وبكده نرتاح شويه
هههههههههههههههههههههههههه
سعدت بمروك توتي

موضوع: رد: ( مطبخ خورشيد ) السبت مارس 14, 2009 2:07 am

شكراً لمرور الفاضلة أم مريم ،
شكراً لمرور الفاضلة توتي ،

تجتعموا ما تجتمعوش ، إحنا مصحصحين قوي ،
تابعوا الوجبات القادمة ،

( مطبخ خورشيد يقدم لكم أرخص الوجبات وأسهلها ... التوصيل للمنازل والخصاص مجاناً )

موضوع: رد: ( مطبخ خورشيد ) السبت مارس 14, 2009 7:46 am

الاخ الفاضل خورشيد
هنبدأ القصة متى أنا رقم 7
وسيب المطبخ لام مريم والبنات ونعملكم أحلا الاكلات وأنتو بتكتوا القصة
تقبل مروري ودمت سالم

» ( مطبخ خورشيد ـ 2)
» [b]أرخص من مطبخ خورشيد [/b]
» مبروووووووووووك خورشيد
» مقترحات ( خورشيد )
» انواع المخللات لفتح الشهية( فرع من مطابخ خورشيد)