شيكالدينيو ديباوى مميز
عدد الرسائل : 518 العمر : 37 المزاج : عادى والحمد لله تاريخ التسجيل : 15/08/2009
| موضوع: رحلة إلي معرض الكتاب الأربعاء فبراير 10, 2010 5:46 am | |
| السلام عليكم ورحمة الله وبركاته
رحلة إلي معرض الكتاب
طبعا إحنا رحنا معرض الكتاب الحمد لله بس أنا حبيت أخليكم تروحوا برضه زينا , وزي ما حضراتكم عارفين إن الرحله دي بينظمها مركز الشباب بالقريه
المهم أنا ومحمد نظمي اتفقنا نروح طبعا الأتوبيس جه عشان ياخدنا ونروح والناس كلها قعدت وكالعاده دايما شيكا متأخر فدار الحوار ده محمد : إيه يا معلم ما تكمل نوم يا عم شيكا : لأ كده كويس الحمد لله أبقي أكمل في الإتوبيس محمد : لأ واجب برضه , طيب خش يا اخويا , والله دا كلام فاضي شيكا : ايه يا عم ما جراش حاجه , ما تعملكش فيلم محمد : ايوة ما انت فاضي , انما يولع اللي وراه مواعيد , عديني أنا مش راكب جنبك شيكا : لا والله لتستني , طيب عشان خاطري , أنا من غيرك أموت
المهم الناس هدت فينا بس محمد صمم إنه يركب جنب السواق , وطبعا الناس فضلت ساعة تفهم فيه ان الأتوبيس ما فيهوش كرسي حنب السواق " فكرني بالصعايدة اللي عملولهم عربيه بالعرض عشان كله يركب قدام " محمد : يا سلام أخيرا الواحد هيروح المعرض , دا أنا بقالي 20 سنة ما رحتش المعرض " مع العلم إنه عنده 16 سنة " شيكا : قال يعني الواد راح قبل كده محمد : يابني دا أنا مولود في المعرض شيكا : طيب يا عم المولود قوووم حضرلنا ساندوتشين نفطر بيهم
المهم إحنا لقينا الدكتور / أحمد عبد الجواد إدانا ساندوتشات نفطر بيها
محمد : شوف يا بني من غيري كنت زمانك بتشحت دلوقت
محمد ما خلصش الكلمه ولقينا أحمد موزع علي الأتوبيس كله
شيكا : فعلا الأتوبيس كله كان هيشحت من غيرك والله محمد : اسكت يا عم والله بكره تتمني أبصلك بس
المهم شويه والأتوبيس هدأ شويه وفجأة
محمد : الله يقطع النوم وسنينه , يا عم قوم بقي هو انتي ايه , انت في مسابقة نوم يابني ؟!!! أنا لو مسؤل هديلك جايزة المخده الذهبيه !!! , قوم يا عم جبتوا البلد ورا شوفوا الواد نايم زي مطاريد الجبل ازاي!!! انت يا عم اصحي عفنت من النوم المهم أنا قمت واللي كان نايم قام وادينا وصلنا بالسلامه ونزلنا من الأتوبيس ودخلنا من البوابه وطبعا الشنط بتتفتش زي ما انتوا شايفين محمد : يا سلام يا ولاد , دا الواحد مش عايش شيكا : ليه يا عم الميت ؟!!! محمد : شوف يابني الناس عايشه هنا ازاي , الأسرة طالعها مع بعضها , مش شكلنا طالعين رحلة زي بتوع المدرسه , كل واحد شايل شنطة أكل وماشي , جايين نتعلفوا هنا ولا إيه ؟!! شيكا : عندك حق ياد يا محمد محمد : يلا المهم قولي , أخبار الغدا ايه ؟!! شيكا : الغدا !!! إمال إيه اللي انتي واشش دماغنا بيه , أنا مش عارف انت ذنب يابني ولا ايه بالظبط محمد : يلا يا عم خلينا نلف شويه عشان نتغدي
وطبعا روحنا لفينا علي المكتبات , ودخلنا صاله 6 وكمان 5 و 3 والصاله بتكون مليانه بدور نشر زي ما انتوا شايفين وشويه ورحنا الجنينه نتغدي , وطبعا صلينا في الجنينه وبعدين رحنا دار المعارف وأديكم شايفين دور نشر كبيره وكمان رحنا سور الأزبكيه وبعدين رحنا صاله 4 وهناك محمد : ولا يا شيكا شوف مين ده؟ شيكا : دا الشيخ محمود المصري , تعالا نسلم عليه محمد : والله أنا بموت في الشيخ محمود , دايما بسمعه علي قناة روتانا شيكا : روتانا !!! اسكت خالص , جبتلي الضغط , يلا نشتري الكتب اللي احنا عايزينها عشان نمشي وطبعا إحنا تعبنا من اللف , ومعاد الرجوع للاتوبيس جه فقلنا يلا بينا , وطلعنا زي ما انتو شايفين بس لما رحنا نطلع من البوابه , الأمن وقفونا
شيكا : وبعدين يا عم هنتأخر محمد : يابني ما تخافش, ولا يكون عندك أي فكره , دا روتين عادي
وطبعا الروتين العادي إنهم مسكوا محمد بتهمة حيازة مصاصات , المهم عملنا شوية إتصالات ومحمد طلع
محمد : يا عم أنا قلتلك ما تخافش , دا أنا مولود في قلب الجيش شيكا : لأ واضح , ربنا يخليك لمصر , إستني ما أشتري لعبه
محمد : إيه ده يا عم , ايه يا عم اللي انت هتشتريه ده ؟!! ربنا يشفيك , دا انت مشكله المهم روحنا نلحق الأتوبيس ودخلنا جوه وبقينا نتفرج علي مصر شكلها ايه بالليل والشوارع عامله ازاي وكالعاده شيكا اخدها نوم لغاية كفرالشيخ وبعدين وصلنا البلد بالسلامه
حمد الله علي السلامه
استنوا استنوا استنوا , دا ما فيش حاجه من الحوار ده حصل دا كله من وحي خيالي , ما محمد نظمي ما رحش أساسا
أخيرا نيابة عن كل من في الأتوبيس أتوجه بالشكر للدكتور / أحمد عبد الجواد علي توزيع ساندويتشات للفطار
حمد الله عالســــــــــــــــــــــــــــــــــــــــــــــــلامه
| |
|
على عاطف المحامى مشرف المنتدى الثقافي
عدد الرسائل : 181 العمر : 50 المزاج : معتدل تاريخ التسجيل : 02/06/2009
| موضوع: رد: رحلة إلي معرض الكتاب الأربعاء فبراير 10, 2010 10:17 am | |
| الله عليك ياشيكالدينيو رحلة ولااجمل وبجد حسيت انى كنت معاك فى الرحلة دى من عرضك الجميل والشيق الذى ينم عن موهبة..... عموما حمدا لله على سلامتك واتمنى من الله ان تكون رحلة موفقة وان تكون مفيدة وممتعة لك تقبل تحيتى | |
|
شيكالدينيو ديباوى مميز
عدد الرسائل : 518 العمر : 37 المزاج : عادى والحمد لله تاريخ التسجيل : 15/08/2009
| موضوع: رد: رحلة إلي معرض الكتاب الأربعاء فبراير 10, 2010 6:00 pm | |
| الأستاذ / علي عاطف المحامي يا هلا والله فينك يا أستاذنا ؟ إنت نسيت المنتدي ولا إيه لالالالالا , دا أنا أزعل مين هيرد علي موضوعاتي بس ؟؟ هههههههههههههههههههههههههههه مشكوووووووور والله يا أستاذ / علي وأنا والله مبسوط إني طلعتك الرحلة بس كده عليك 5 جنيه , دا حضرتك دخلت من غير ما تتفتش ولفيت المعرض أكيد ليا نسبة يعني ههههههههههههههههههههههههههههه ولا يهمك يا أستاذ / علي خالي علينا المره دي , بس المره الجايه علينا برضه هههههههههههههههههههههههه يلا مشكوووووووووووووووووووووووووووور جدا والله سلاااااااااااااااااااااااااااااااااااااااااااااااااااااااااااااااااااااامي | |
|
FEDA AL7ABIB ديباوى مميز
عدد الرسائل : 105 العمر : 31 المزاج : مش فاضي تاريخ التسجيل : 16/12/2008
| |
شيكالدينيو ديباوى مميز
عدد الرسائل : 518 العمر : 37 المزاج : عادى والحمد لله تاريخ التسجيل : 15/08/2009
| موضوع: رد: رحلة إلي معرض الكتاب الخميس فبراير 11, 2010 7:25 am | |
| محمد عبد الجواد مشكوووووووووووووووووووور يا جميل علي الإضافه وبعدين مش كنت ترن عليا عشان أسلم عالبنت قصدي عالشيخ / محمود إوعي تفهمني صح هههههههههههههههههههههههههههههههههه يلا تتعوض بعدين عموما حمد الله عالسلامه وأنا مش ناسي إنك إديتني ساندوتش المغرب وإحنا مروحين وكمان إنت الوحيد اللي كنت بتقرأ في كتاب إنت إشتريته والمصحف الفرنساوي يلا يا جميل حمد الله عالسلامه سلااااااااااااااااااااااااااااااااااااااااااااامي | |
|
أبوديب ديباوى مميز
عدد الرسائل : 642 العمر : 55 الموقع : http://www.shbab1.com/2minutes.htm المزاج : رايق تاريخ التسجيل : 23/01/2009
| موضوع: رد: رحلة إلي معرض الكتاب الجمعة فبراير 12, 2010 2:17 am | |
| الاخوه الافاضل الاحباب تحيه مباركه من عند الله الف حمدا لله على السلامه ورحله موفقه باذن الله وجعلكم الله من اهل العلم والابداع ودمتم سالمين | |
|
شيكالدينيو ديباوى مميز
عدد الرسائل : 518 العمر : 37 المزاج : عادى والحمد لله تاريخ التسجيل : 15/08/2009
| موضوع: رد: رحلة إلي معرض الكتاب الجمعة فبراير 12, 2010 7:42 am | |
| الأستاذ / أبو ديب وعليكم السلام ورحمة الله وبركاته شكرا جزيلا مروركم الكريم وجعلنا الله وإياكم من أهل العلم والإبداع في أمان الله وحمدالله عالسلامه سلااااااااااااااااااااااااااااااااااااااااااااااامي | |
|
المسافر ديباوى مميز
عدد الرسائل : 52 العمر : 46 المزاج : عادى تاريخ التسجيل : 07/08/2009
| موضوع: رد: رحلة إلي معرض الكتاب الأحد فبراير 14, 2010 8:13 am | |
| مشكور ياأخ شيكا فكرتنا بالأيام الحلوة والله كانت أيام جميلة . وأيه أسعار الكتب دلوقت ياحاج شيكا يارب تكون رخصت وربنا ينفعك بما أشتريت وحمدلله على السلامة | |
|
شيكالدينيو ديباوى مميز
عدد الرسائل : 518 العمر : 37 المزاج : عادى والحمد لله تاريخ التسجيل : 15/08/2009
| موضوع: رد: رحلة إلي معرض الكتاب الإثنين فبراير 15, 2010 1:32 am | |
| المهندس / السعيد شكرا جزيلا مروركم الكريم والله فعلا يوم الرحلة بيكون يوم ممتع جدا بس الحقيقة إن الكتب كل سنة بتزيد في أسعارها , بس الحمد لله ربنا بييسر الأمور مشكوووووووووووووووووور مرة تانيه يا باشمهندس وإن شاء الله تكون معانا الرحلة القادمه سلااااااااااااااااااااااااااااااااااااااااااامي | |
|
ابن عزيز مصر ديباوى مميز
عدد الرسائل : 457 العمر : 31 الموقع : مصـــــــــــر المزاج : يمكن حلو يمكن وحش بس الحمد لله تاريخ التسجيل : 17/08/2009
| موضوع: رد: رحلة إلي معرض الكتاب الإثنين فبراير 15, 2010 1:35 am | |
| اسف عيل الرد متأخر لاني لسه شايف الموضوع دلوقتي..بس علي العموم موضوع مش عارف اقول ايه انا اساسا مش لاقي رد بس بصراحه كان نفسي اروح معاهم بس محمد عارف ظروفي ايه وانا ليا الشرف ان محمد يحطني في الموضوع بس الموضوع مش لذيذه لانه من وحي الخيال عازي اقولكم علي حاجه بعد ماكتب الموضوع ده صح من النوم لانه والله كان نايم وده طبعا مش جديد عليه لاني كل مابرحوله القيه نايم كالعاده يلا ربنا يسهله ويصحي من النوم بس اشكركم جدا جدا علي التفاعل مع الموضوع... تياتي للجميع والي الامام دائما | |
|